
စျေးကွက်ထိုးဖောက်ဝင်ရောက်ခြင်းဆိုတာ ထုတ်ကုန် သို့မဟုတ် ဝန်ဆောင်မှုအတွက် စုစုပေါင်းခန့်မှန်းစျေးကွက်နှင့် နှိုင်းယှဉ်ပါက သုံးစွဲသူများအသုံးပြုနေသည့် ကုန်ပစ္စည်း သို့မဟုတ် ဝန်ဆောင်မှုကို မည်မျှအသုံးပြုနေသည်ကို တိုင်းတာခြင်းကိုဆိုလိုတာ ဖြစ်ပါတယ်။ ကုန်ပစ္စည်း သို့မဟုတ် ဝန်ဆောင်မှု့တစ်ခု၏ စျေးကွက်ဝေစုကို တိုးမြင့်လာစေရန်အတွက် စျေးကွက်ထိုးဖောက်မှု့ကိုလည်း အသုံးချသည့်နည်းဗျူဟာများတွင် အသုံးပြုလေ့ရှိပါတယ်။
Market Penetration နားလည်စေခြင်း။
စျေးကွက်ထိုးဖောက်ဝင်ရောက်မှု့ကို အလားအလာရှိသော စျေးကွက်အရွယ်အစားကို ဆုံးဖြတ်ရန် အတွက်အသုံးပြုနိုင်ပါတယ်။ စုစုပေါင်းစျေးကွက်ကြီးမားပါက၊ထိုနယ်ပယ်သို့ဝင်ရောက်သူအသစ်များဟာ စျေးကွက်ဝေစု သို့မဟုတ် လုပ်ငန်းတွင်းအလားအလာရှိသောဖောက်သည်စုစုပေါင်း၏ ရာခိုင်နှုန်းတစ်ရာခိုင်နှုန်းကို ရရှိစေရန်အတွက် စစချင်းတွန်းအားပေးလုပ်ဆောင်နိုင်ပါတယ်။
ဥပမာအားဖြင့် နိုင်ငံတစ်နိုင်ငံတွင် လူဦးရေ သန်း 300 ရှိပြီး ထိုထဲမှ 65 သန်းသည် ဆဲလ်ဖုန်းများ ပိုင်ဆိုင်ပါက၊ ဆဲလ်ဖုန်းများရဲ့ ဈေးကွက်ထိုးဖောက်မှုမှာ ခန့်မှန်းခြေ 22% ရှိမည်ဖြစ်ပါသည်။ သီအိုရီအရ၊ ဆဲလ်ဖုန်းများအတွက် အလားအလာရှိသော ဖောက်သည် ၂၃၅ သန်းရှိနေသေးပြီး (သို့မဟုတ်) လူဦးရေ၏ 78% သည် အသုံးမပြုရသေးပါ။ ထိုးဖောက်ဝင်ရောက်မှု နံပါတ်တွေဟာ ဆဲလ်ဖုန်းထုတ်လုပ်သူများအတွက် တိုးတက်မှုအလားအလာကို ညွှန်ပြနိုင်ပါတယ်။
တစ်နည်းအားဖြင့်၊ စျေးကွက်ထိုးဖောက်ဝင်ရောက်မှုသည် လုပ်ငန်းတစ်ခုလုံးတွင် စျေးကွက်ဝေစုရရှိရန် သို့မဟုတ် အရောင်းအားဖြင့်ဝင်ငွေများကို တိုးပွားလာစေရန်အတွက် ထိုလုပ်ငန်းအမျိုးအစားနယ်ပယ်အတွင်းကုမ္ပဏီများရဲ့ အလားအလာကို ဆုံးဖြတ်ရန်အတွက် လုပ်ငန်းတစ်ခုလုံးကို အကဲဖြတ်ရန် အသုံးပြုနိုင်ပါတယ်။ ဖော်ပြပါနမူနာကို ပြန်လည်ကြည့်ရှုခြင်းဖြင့် ကမ္ဘာလုံးဆိုင်ရာ ဆဲလ်ဖုန်းစျေးကွက် ထိုးဖောက်ဝင်ရောက်မှုကို ဆဲလ်ဖုန်းထုတ်လုပ်သူများသည် သူတို့၏၀င်ငွေနှင့် ဝင်ငွေခန့်မှန်းချက်များကို ဖြည့်ဆည်းပေးနိုင်ခြင်းရှိမရှိ ခန့်မှန်းရန် အသုံးပြုလေ့ရှိပါတယ်။ စျေးကွက်ကို ပြည့်နှက်နေသည်ဟု ယူဆပါက လက်ရှိကုမ္ပဏီများတွင် စျေးကွက်ဝေစု အများစုရှိပြီး- အရောင်းအသစ်တိုးတက်မှုအတွက် နေရာအနည်းငယ်သာ ချန်ထားခဲ့ခြင်းကို ဆိုလိုခြင်းဖြစ်ပါတယ်။
စျေးကွက်ထိုးဖောက်မှုနှုန်း
စျေးကွက်ထိုးဖောက်ဝင်ရောက်မှု၏ အဓိကအစိတ်အပိုင်းမှာ ကုမ္ပဏီတစ်ခု၏ ဈေးကွက်ထိုးဖောက်မှုကို တွက်ချက်ခြင်းဖြစ်တယ်။ ကုမ္ပဏီတစ်ခု၏ စျေးကွက်ထိုးဖောက်မှုနှုန်းကို တွက်ချက်ခြင်းဖြင့် လုပ်ဆောင်ကြပါတယ်။ (အောက်မှာ ဆွေးနွေးရေးသားထားပါတယ်)။ စျေးကွက်ထိုးဖောက်မှုနှုန်းသည် စုစုပေါင်းစျေးကွက်နှင့် ကုမ္ပဏီတစ်ခု၏စွမ်းဆောင်ရည်ကို နှိုင်းယှဉ်သည့် အချိုးတစ်ခုဖြစ်ပါတယ်။
စျေးကွက်ထိုးဖောက်မှုနှုန်းဟာ အထူးသဖြင့် ကုမ္ပဏီများကို သူတို့လက်ရှိရောက်ရှိနေသည့်နေရာ၊ သူတို့ဖြစ်ချင်သည့်၊ရောက်ချင်သည့်နေရာနှင့် သူတို့ရဲ့ ပြိုင်ဘက်များ၏ စွမ်းဆောင်ရည်ကို နှိုင်းယှဉ်နိုင်စေနိုင်သောကြောင့် အထူးအရေးကြီးပါတယ်။ စျေးကွက်ထိုးဖောက်မှုနှုန်းဟာ ကုမ္ပဏီအား အချိန်နှင့်အမျှ တွက်ချက်၍ ခြေရာခံနိုင်သည့် SMART ပန်းတိုင်ကို သတ်မှတ်နိုင်စေပါတယ်။
စျေးကွက်ထိုးဖောက်မှု တွက်ချက်နည်း
စျေးကွက်ထိုးဖောက်မှုအား ကုမ္ပဏီမှ စျေးကွက်၏ အချိုးအစား ပြည့်နှက်နေမှုကို ဖော်ပြသည့် နှုန်းတစ်ခုအဖြစ် တိုင်းတာနိုင်ပါတယ်။ စျေးကွက်ထိုးဖောက်မှုကို တွက်ချက်ရန်၊ ကုမ္ပဏီ၏ စုစုပေါင်းစျေးကွက်အရွယ်အစားအပြင် ကုမ္ပဏီတစ်ခုမှ လုံခြုံသော/သေချာသော ဖောက်သည်အရေအတွက်ကို သိနေဖို့လိုပါတယ်။
Market Penetration Rate=TTMS/Customers Number×100
TTMS = Total Target Market Size
ဖောက်သည်အရေအတွက်သည် ကုမ္ပဏီနှင့်အတူ လုပ်ငန်းကို အာမခံနိုင်သည့် သီးသန့်ဖောက်သည်တစ်ဦးစီ ဖြစ်ပါလိမ့်မည်။ အချို့က ပိုမိုခိုင်မာသော စားသုံးသူအခြေခံကို ခွဲခြမ်းစိတ်ဖြာရန်အတွက် ထပ်ခါတလဲလဲ ရှိပြီးသား ဖောက်သည်များကိုသာ အသုံးပြုရန် ရွေးချယ်နိုင်ပါတယ်။ အခြားသူများအနေဖြင့် သတ်မှတ်ထားသော အချိန်ကာလအတွင်း (ဆိုလိုသည်မှာ လွန်ခဲ့သည့်သုံးနှစ်အတွင်း) တွင် ဝယ်ယူသော/ငွေလွှဲသော ဖောက်သည်အများစုကို ရွေးချယ်နိုင်ပါတယ်။
အထူးသဖြင့် ကုမ္ပဏီတွင် ကျယ်ပြန့်သော ပထဝီဝင်ဧရိယာ သို့မဟုတ် အွန်လိုင်းတွင် ကုန်ပစ္စည်းများ ရောင်းချပါက စုစုပေါင်းစျေးကွက်အရွယ်အစားကို သတ်မှတ်ရန် ခက်ခဲနိုင်ပါတယ်။ စုစုပေါင်းစျေးကွက်အရွယ်အစားသည် ဧရိယာရှိလူဦးရေအရေအတွက် အကုန်မလိုအပ်ပါ။ ကုမ္ပဏီ၏ စုစုပေါင်းအနေဖြင့် ဖြစ်နိုင်ချေရှိသော ဖောက်သည်အရည်အတွက်သာ အဓိက လိုအပ်ချက်ဖြစ်တယ်။
စျေးကွက်ထိုးဖောက်မှုကို တွက်ချက်ရန် အခြားနည်းလမ်းတစ်ခု ဖြစ်သော်လည်း အလားတူနည်းလမ်းမှာ လူများကို အာရုံစိုက်ခြင်းထက် အပြောင်းအလဲတစ်ခုအပေါ်တွင်အာရုံစိုက်ခြင်းလုပ်လို့ရနိုင်ပါတယ်။ တစ်ခါတစ်ရံမှာ လုပ်ငန်းများသည် အချို့သောတန်ဖိုး သို့မဟုတ် အရောင်းအလားအလာရှိခြင်းကို ကိုးကားဖို့လိုအပ်ပါတယ်။ ဒါကြောင့် ကုမ္ပဏီများဟာ သူတို့ရောင်းချမည့်အရာကို ဖော်ပြပါ အာရုံစိုက်ရမည့် အကြောင်းအရာဖြင့် နှိုင်းယှဉ်ကာစျေးကွက်အလားအလာကိုတွက်ချက် နှိုင်းယှဉ်နိုင်ပါတယ်။
Market Penetration Rate=TTMSP/Total Sales Dollars×100
ဒီဖော်မြူလာတွင်၊ ကုမ္ပဏီတစ်ခုသည် သူ့အတွက် လုံခြုံစေသော/သေချာစေသော ဖောက်သည်အရေအတွက်ကို လျှော့နည်းစွာ ဂရုပြုနိုင်ပါတယ်။ ဒီဗျူဟာသည် အကြီးဆုံးဖောက်သည်များ သို့မဟုတ် အကြီးမားဆုံးသော စျေးကွက်တွင်ပါဝင်သူများကို ရရှိစေရန်ကြိုးပမ်းနေသော ကုမ္ပဏီများအတွက် အလွန်အရေးကြီးပါတယ်။ သူတို့ဝန်ဆောင်မှုပေးသည့်လူအရေအတွက်ကို ထည့်သွင်းစဉ်းစားသည့်အခါတွင် စျေးကွက်ထိုးဖောက်မှုနှုန်းအနည်းငယ်ကို ရရှိနိုင်သော်လည်း အကြီးဆုံးဖောက်သည်များနှင့် လွှဲပြောင်းပေးသည့်ကုမ္ပဏီများသည် ဒုတိယဖော်မြူလာကို အသုံးပြုသည့်အခါ ပိုမိုကောင်းမွန်သည့်ပုံစံရှိနိုင်ကြောင်း သက်သေများစွာရှိပါတယ်။
ကုမ္ပဏီများအတွက် စျေးကွက်ထိုးဖောက်ခြင်း။
စျေးကွက်ထိုးဖောက်မှုကို နယ်ပယ်၊ထုတ်ကုန်များနှင့် ဝန်ဆောင်မှုများအတွက် တိုင်းတာရန်အတွက် ကမ္ဘာလုံးဆိုင်ရာနှင့် သက်ဆိုင်ရာ လုပ်ငန်းခွင် တွင်သာမက ၎င်းတို့၏ထုတ်ကုန်၏စျေးကွက်ဝေစုကို အကဲဖြတ်ရန် ကုမ္ပဏီများမှလည်း အသုံးပြုကြလေ့ရှိပါတယ်။
မက်ထရစ်တစ်ခုအနေဖြင့်၊ စျေးကွက်ထိုးဖောက်မှုသည် ပြိုင်ဘက်တစ်ဦး၏ထုတ်ကုန်အစား သို့မဟုတ် ထုတ်ကုန်လုံးဝမရှိဘဲ(ဝန်ဆောင်မှု့) ကုမ္ပဏီတစ်ခု၏ထုတ်ကုန်ကို ဝယ်ယူခဲ့သည့် ဖြစ်နိုင်ချေရှိသောဖောက်သည် အရေအတွက်နှင့် သက်ဆိုင်ပါတယ်။ ကုမ္ပဏီများအတွက် စျေးကွက်ထိုးဖောက်မှုကို ပုံမှန်အားဖြင့် ရာခိုင်နှုန်းအဖြစ် ဖော်ပြကြပါတယ်၊ ဆိုလိုသည်မှာ ကုမ္ပဏီ၏ထုတ်ကုန်သည် ထိုဈေးကွက်အတွင်းရှိ ထုတ်ကုန်များအတွက် စုစုပေါင်းစျေးကွက်၏အချို့သောရာခိုင်နှုန်းကို ကိုယ်စားပြုပါတယ်။
စျေးကွက်ထိုးဖောက်မှုကို တွက်ချက်ရန်၊ ထုတ်ကုန် သို့မဟုတ် ဝန်ဆောင်မှုအတွက် လက်ရှိရောင်းချမှုပမာဏကို ပြိုင်ဘက်များရောင်းချသည့် ထုတ်ကုန်အပါအဝင် အလားတူထုတ်ကုန်အားလုံး၏ စုစုပေါင်းရောင်းချမှုပမာဏဖြင့် ပိုင်းခြားထားနိုင်ပါတယ်။ (ဒဿမကိုရွှေ့ပြီး ရာခိုင်နှုန်းတစ်ခုဖန်တီးရန် ရလဒ်ကို 100 ဖြင့် မြှောက်ဖို့တော့လိုပါတယ်။)
ကုမ္ပဏီတစ်ခုသည် သူတို့၏ ထုတ်ကုန်များအတွက် စျေးကွက်ထိုးဖောက်မှု မြင့်မားပါက၊ ထိုလုပ်ငန်းနယ်ပယ်တွင် စျေးကွက်ခေါင်းဆောင်(ဦးဆောင်သူ)အဖြစ် သတ်မှတ်ခံရမှာဖြစ်ပါတယ်။ စျေးကွက်ခေါင်းဆောင်များဟာသူတို့၏ ကောင်းမွန်သော ထုတ်ကုန်များနှင့် အမှတ်တံဆိပ်ကြောင့် အလားအလာရှိသော သုံးစွဲသူများ ပိုမိုရောက်ရှိနိုင်သောကြောင့် စျေးကွက်ရှာဖွေရေး အားသာချက်တစ်ခုရှိပါတယ်။
ထို့အပြင်၊ စျေးကွက်ခေါင်းဆောင်များသည် သူတို့၏ရောင်းချမှုပမာဏများပြားသောကြောင့် တဆင့် ရောင်းချသူများနှင့် ပိုမိုကောင်းမွန်သောစည်းကမ်းချက်များကို ညှိနှိုင်းနိုင်သောစွမ်းအားရှိပါတယ်။ ရလဒ်အနေဖြင့် စျေးကွက်ခေါင်းဆောင်များဟာ သူတို့၏လုပ်ငန်းလည်ပတ်မှုစွမ်းဆောင်ရည်အရ ပြိုင်ဘက်များထက် ဈေးသက်သာသော ထုတ်ကုန်တစ်ခုကို မကြာခဏဆိုသလို ထုတ်လုပ်နိုင်ပါတယ်။
စျေးကွက်ထိုးဖောက်မှုမဟာဗျူဟာများ
ကုမ္ပဏီတစ်ခုသည် ကြီးထွားမှုဗျူဟာများကို အကောင်အထည်ဖော်ရန် ကြိုးစားသောအခါ၊ လုပ်ဆောင်ရန် နည်းလမ်းလေးမျိုးရှိပါတယ်- စျေးကွက်အသစ်များ ဖော်ဆောင်ခြင်း၊ ထုတ်ကုန်သစ်များ ကွဲပြားခြင်း၊ ရှိပြီးသားဈေးကွက်များကို ထိုးဖောက်ဝင်ရောက်ခြင်း သို့မဟုတ် ထုတ်ကုန်အသစ်များ ဖော်ဆောင်ခြင်းတို့ ပြုလုပ်လေ့ရှိပါသည်။ ဒီဗျူဟာလေးခုကို Ansoff Matrix တွင် ပုံဖော်ပြသထားပါတယ်။
စျေးကွက်သစ်ဖော်ဆောင်ခြင်းများ သို့မဟုတ် ထုတ်ကုန်အသစ်များဖန်တီးခြင်းဟာ လိုအပ်သည့် မဟာဗျူဟာများကို အန္တရာယ်ပိုရှိသည်ဟု ယူဆသောကြောင့်၊ စျေးကွက်ထိုးဖောက်မှု့သည် ကြီးထွားမှုအတွက် စွန့်စားရလေ့ရှိသော ရွေးချယ်မှုဖြစ်နိုင်ပါတယ်။ ဘာကြောင့်လဲ ဆိုတော့ ဈေးကွက်ကို ဖန်တီးပြီး လေ့လာလို့ရပါတယ်။ ဒါ့အပြင်၊ ကုမ္ပဏီဟာ ထုတ်ကုန်တစ်ခု သို့မဟုတ် ထုတ်ကုန်တစ်မျိုးကို ပြောင်းလဲပေးနိုင်ပါတယ်( ပုံစံပြောင်းပြီးထုတ်လုပ်တာကိုဆိုလိုတာပါ) အောက်ပါနည်းပညာအချို့ကို အသုံးပြု၍ ကုမ္ပဏီတစ်ခုဟာ စျေးကွက်ထိုးဖောက်ဝင်ရောက်မှုမှ တစ်ဆင့် တိုးတက်မှုကို တွေ့ကြုံခံစားနိုင်မည်ဖြစ်ပါသည်။
ထုတ်ကုန်စျေးနှုန်းပြောင်းလဲခြင်း။
ကုမ္ပဏီတစ်ခုသည် သူ့ရဲ့စျေးနှုန်းကို တိုးမြှင့်ခြင်းဖြင့် စျေးကွက်ဝေစုကို တိုးမြှင့်နိုင်မည် မဟုတ်သော်လည်း Veblen ကုန်ပစ္စည်းများဟာ ရောင်းလိုအားနှင့် ဝယ်လိုအားဥပဒေနှင့် ဆန့်ကျင်နေသော်လည်း၊ ကုမ္ပဏီတစ်ခုသည် သူ၏စျေးနှုန်းများကို လျှော့ချခြင်းဖြင့် စျေးကွက်ထိုးဖောက်မှုကို တိုးမြှင့်နိုင်ဖွယ်ရှိနိုင်ပါတယ်။ ဒါနေရာမှာ သွင်းကုန်ကုန်ကျစရိတ်နှင့် အမြတ်အစွန်းများကို လုံလောက်စွာ နားလည်ရန် လိုအပ်ပါတယ်။ ထုတ်လုပ်သူတွေဟာ စားသုံးသူအခြေခံကို နားလည်ရန်နှင့် စျေးနှုန်းချိုသာသောထုတ်ကုန်သည် ကုမ္ပဏီရေရှည်ရရှိရန် ရည်ရွယ်ထားသော ပရိသတ်ကို ဆွဲဆောင်နိုင်မှုရှိမရှိကိုလည်း နားလည်ရန် အထူးလိုအပ်ပါသည်။
ထုတ်ကုန်အသစ်ဖန်တီးခြင်း။
စျေးကွက်ထိုးဖောက်ဝင်ရောက်မှု့တွင် လက်ရှိထုတ်ကုန်ကို ဈေးကွက် ကလက်ခံနေသော်လည်း ကုမ္ပဏီတစ်ခုဟာ ရှိပြီးသားထုတ်ကုန်များကိုလေ့လာရန်၊ တန်ဖိုးကွာဟချက်များအား ခွဲခြမ်းစိတ်ဖြာရန်၊ ရှိပြီးသားထုတ်ကုန်များသည် စားသုံးသူများရဲ့မျှော်လင့်ချက်ထက် လျော့နည်းသွားသည့်နေရာများကို ရှာဖွေရန်နှင့် ကောင်းမွန်သောအသစ်တစ်ခုကို ထုတ်လုပ်ရန်အတွက် သုတေသနနှင့် ဖွံ့ဖြိုးတိုးတက်မှုတွင် ရင်းနှီးမြှုပ်နှံဖို့လုပ်ဆောင်နိုင်ရပါမယ်။
ပထဝီဝင်နေရာအသစ်များကို ပစ်မှတ်ထားခြင်း။
အွန်လိုင်းရောင်းအားများ တိုးပွားလာသည်နှင့်အမျှ လုပ်ငန်းများစွာသည် သူတို့သဘောပေါက်ထားသည်ထက် ပိုမိုကျယ်ပြန့်သော စျေးကွက်များသို့ ဝင်ရောက်နိုင်နေပြီဖြစ်ပါတယ်။ သို့သော်လည်း ဝန်ဆောင်မှုကုမ္ပဏီများအတွက် ပထဝီဝင်နေရာဒေသတစ်ခုတွင် ကန့်သတ်ထားနိုင်ပြီး၊ ကုမ္ပဏီသည် နေရာသစ်တစ်ခုသို့ ပြောင်းရွှေ့ခြင်း၊ ဖွံ့ဖြိုးတိုးတက်ခြင်းနှင့် ချဲ့ထွင်ခြင်းဆိုင်ရာ စျေးကွက်ထိုးဖောက်မှုဗျူဟာကို အသုံးပြုနိုင်ပါတယ်။ မူရင်းတည်နေရာကို ချန်ထားစရာမလိုဘဲ၊ ကုမ္ပဏီသည် ရှိပြီးသားဆိုက်တစ်ခုတွင် အောင်မြင်မှုကို အသုံးချခြင်းဖြင့် ဝဘ်ဆိုက်အသစ်တစ်ခုတွင် လုပ်ငန်းဆောင်ရွက်မှုများကို ငွေကြေးထောက်ပံ့နိုင်ရင်းဖြင့် လုပ်ဆောင်နိုင်ပါတယ်။
လက်တွဲဖော်များကို ရှာဖွေခြင်း။
လုပ်ငန်းလည်ပတ်ရန် နေရာသစ်များကို ရှာဖွေမည့်အစား ကုမ္ပဏီများသည် စျေးကွက်သစ်များ ထိုးဖောက်ဝင်ရောက်ရန် လူသစ်ရှာဖွေခြင်းဖြင့် စျေးကွက်သစ်များ ထိုးဖောက်ဝင်ရောက်နိုင်ပါတယ်။ Barnes & Noble နှင့် Starbucks ၏ ပူးပေါင်းဆောင်ရွက်မှုကို သုံးသပ်ကြည့်ရင်လည်းသိနိုင်ပါတယ်။
လက်ရှိထုတ်ကုန်ကို ဆန်းသစ်တီထွင်ပါ။
အထက်ဖော်ပြပါ နည်းဗျူဟာတစ်ခုသည် ထုတ်ကုန်အသစ်တစ်ခုကို ဖန်တီးရာတွင် ပါဝင်နေသော်လည်း တစ်ခါတစ်ရံတွင် ကုမ္ပဏီများသည် ရှိပြီးသားကို ပြန်လည်ပြင်ဆင်ရန် လိုအပ်ပါသည်။ မွမ်းမံထားသော စမတ်နာရီများ၊ ဆဲလ်ဖုန်းများ၊ ဂိမ်းစက်များ သို့မဟုတ် အခြားနည်းပညာသုံး စက်ကိရိယာများ မကြာခဏထွက်ပေါ်နေခြင်းကြောင့် ဒီနည်းလမ်းဟာ ထင်ရှားပါတယ်။ ထပ်ခါထပ်ခါပြုလုပ်တိုင်း၊ ကုမ္ပဏီတစ်ခုသည် ရိုးရှင်းစွာဖြင့်တိုးတက်နိုင်ပြီး အကျိုးကျေးဇူးအသစ်များကို ပေးဆောင်နိုင်ပါလိမ့်မယ်။ ထို့အပြင်၊ စက်ပစ္စည်းဟောင်းများကို တွေ့ကြုံခံစားပြီးသော လက်ရှိအသုံးပြုသူများဟာ အပြုသဘောဆောင်သော အတွေ့အကြုံတစ်ခုပြီးနောက် အဆင့်မြှင့်တင်ရန် ပိုမိုစိတ်ဆန္ဒရှိနိုင်ကြကြောင်း သိနိုင်ပါတယ်။
အခြားကုမ္ပဏီများကိုဝယ်ယူခြင်း။
မိတ်ဖက်အဖွဲ့အစည်းများဟာ အောင်မြင်မှုတွင် မျှဝေရန်အတွက် သီးသန့်အဖွဲ့အစည်းနှစ်ခုကို ခေတ္တစုပေါင်းပါဝင်စေသော်လည်း၊ ဝယ်ယူမှုများသည် သီးခြားအဖွဲ့အစည်းနှစ်ခု တရားဝင်ပူးပေါင်းလုပ်ဆောင်ခြင်းကြောင့် ဖြစ်ပေါ်လာပါတယ်။ ကုမ္ပဏီတစ်ခုကို ဝယ်ယူခြင်းဖြင့် ဝယ်ယူသူသည် ထုတ်ကုန်အသစ်များ၊ စျေးကွက်များ၊ လုပ်သားကျွမ်းကျင်မှုများ၊ စိတ်စေတနာ သို့မဟုတ် သုတေသနနှင့် ဖွံ့ဖြိုးတိုးတက်မှုကဲ့သို့သော မမြင်နိုင်သော ပိုင်ဆိုင်မှုများကို ချက်ချင်းရရှိနိုင်မည်ဖြစ်သည်။
ပရိုမိုးရှင်း အခွင့်အလမ်းများ ဖန်တီးပါ။
စျေးနှုန်းများကို (Fix Price)လျှော့မပေးလိုသောကုမ္ပဏီများအတွက်၊ ယာယီပရိုမိုးရှင်းအခွင့်အရေးများကို ပေးဆောင်ခြင်းဖြင့် စျေးကွက်အတွင်းသို့ ထိုးဖောက်ဝင်ရောက်နိုင်ပါတယ်။ ဒီနည်းဗျူဟာသည် စားသုံးသူများကို စျေးနှုန်းချိုသာစေရန် ဆွဲဆောင်ခြင်းဖြင့်ရေတိုအောင်မြင်မှုကို ဖြစ်ပေါ်စေသော်လည်း၊ အထူးသဖြင့် ကုမ္ပဏီတစ်ခုသည် အရည်အသွေးမြင့် (ထို့ကြောင့် စျေးနှုန်းမြင့်မား) ကုမ္ပဏီတစ်ခုဖြစ်အောင် ကြိုးပမ်းပါက မှားယွင်းသော ပရိသတ်များကို ဆွဲဆောင်ခြင်းဆီသို့ ဦးတည်သွားနိုင်သည်ဟု အကြံပြုအပ်ပါတယ်။
အရောင်းကိုယ်စားလှယ်များတွင် (ပိုမို) ရင်းနှီးမြှုပ်နှံပါ။
ကုမ္ပဏီများသည် ထုတ်ကုန်တစ်ခုကို စျေးကွက်သို့ အောင်မြင်စွာ ယူဆောင်လာရန် လိုအပ်ချက်များ ရှိနိုင်ပါတယ် ။ သို့ရာတွင်၊ ထုတ်ကုန်တစ်ခု ဘယ်လောက်ပဲ ခိုင်မာနေပါစေ ကုမ္ပဏီတစ်ခုက ဒါကို စျေးကွက်သို့ ယူဆောင်လာရန်၊ ထိုထုတ်ကုန်၏တန်ဖိုးကို ဆက်သွယ်ပြောဆိုနိုင်စေကာ အနီးကပ်ရောင်းချနိုင်စေရမည်ဖြစ်သည်။ ဆိုလိုရင်းမှာ ကုမ္ပဏီတစ်ခုအား အရောင်းကိုယ်စားလှယ်များ၏ ဦးဆောင် မှု့ဖြင့် အရေအတွက်ကို တိုးမြှင့်ရန် သို့မဟုတ် ပိုမိုအားကောင်းသော အရည်အချင်းရှိသူများတွင် ပိုမိုရင်းနှီးမြှုပ်နှံရန် လိုအပ်လှပါတယ်။
စျေးကွက်ထိုးဖောက်ခြင်း၏ အားသာချက်များနှင့် အားနည်းချက်များ
စျေးကွက်ထိုးဖောက်မှု၏အားသာချက်များ
ကုမ္ပဏီအများစုအတွက် သူတို့၏ စျေးကွက်ထိုးဖောက်ဝင်ရောက်မှု တိုးလာခြင်းသည် ရောင်းအားကို တိုးစေပါတယ်။ အဘယ်ကြောင့်ဆိုသော် စျေးကွက်ထိုးဖောက်မှု ဗျူဟာများသည် ဝန်ဆောင်မှုပေးသော ဖောက်သည်အရေအတွက်ကို တိုးမြင့်စေခြင်း သို့မဟုတ် ၎င်းတို့ဝန်ဆောင်မှုပေးသော ဖောက်သည်ကြီးများတွင် ပိုမိုနက်ရှိုင်းစွာ စွဲလမ်းလာခြင်းကြောင့် ဖြစ်နိုင်ပါတယ်။
ကုမ္ပဏီများသည် စျေးကွက်ထိုးဖောက်ခြင်းမှ အခြားအကျိုးကျေးဇူးများကို ခံစားရနိုင်သည်။ စျေးကွက်ထိုးဖောက်ဝင်ရောက်မှုသည် ထုတ်ကုန် သို့မဟုတ် ဝန်ဆောင်မှုများ၏ မြင်နိုင်စွမ်းကို ပိုမိုမြင့်မားလာစေပြီး စျေးကွက်များသည် ကုမ္ပဏီတစ်ခုမှ ပေးဆောင်နိုင်သည့် အကျိုးကျေးဇူးများကို ပိုမိုကောင်းမွန်စွာ အသိအမှတ်ပြုလာကြပါတယ်။
ကုမ္ပဏီတစ်ခုသည် စျေးကွက်အသစ်များကို ထိုးဖောက်ဝင်ရောက်လာသည်နှင့်အမျှ ကုမ္ပဏီတစ်ခု၏ အများသူငှာ ခံယူချက်သည် အများအားဖြင့် တိုးတက်လာသောကြောင့် ကုမ္ပဏီတစ်ခု၏ ကုန်အမှတ်တံဆိပ် ရှယ်ယာတန်ဖိုးကို တိုးလာစေပါတယ်။
ကုမ္ပဏီများသည် ဖောက်သည်များကို ၎င်းတို့ကမ်းလှမ်းသည့်အရာများနှင့် ပိုမိုဗျူဟာမြောက်စွာ လုပ်ဆောင်ခြင်းဖြင့် အောင်မြင်သောစျေးကွက်ထိုးဖောက်မှုကို အသုံးချနိုင်ပါတယ်။ စျေးနှုန်းရယူမည့်အစား၊ စျေးကွက်တွင်ပိုမိုနက်ရှိုင်းစွာရှိနေသောကုမ္ပဏီများသည် သူတို့၏ကိုယ်ပိုင်စျေးနှုန်း၊ ရောင်းချမှုစည်းကမ်းချက်များ သို့မဟုတ် သူတို့၏ထုတ်ကုန်များကို သင့်လျော်စွာ မြှင့်တင်နိုင်ခြေပိုများပါတယ်။ နည်းလမ်းများစွာဖြင့် စျေးကွက်ထိုးဖောက်ဝင်ရောက်မှုသည် ထုတ်ကုန်ကွဲပြားခြားနားမှု့ရှိမှသာလျှင် စားသုံးသူကို ထူးထူးခြားခြား အကျိုးကျေးဇူးများ ပေးစွမ်းနိုင်မည်ဖြစ်ပါတယ်
စျေးကွက်ထိုးဖောက်ခြင်း၏အားနည်းချက်
စျေးကွက်ထိုးဖောက်ဝင်ရောက်မှုသည် လုပ်ငန်းလည်ပတ်မှုကို ပိုမိုကောင်းမွန်စေသော်လည်း နောက်သို့ပြန်ဆုတ်ရန် အန္တရာယ်ရှိပါတယ်။ ကုမ္ပဏီများဟာ စျေးကွက်အသစ်များရှာဖွေခြင်း သို့မဟုတ် ထုတ်ကုန်အသစ်များကို ကမ်းလှမ်းသည့်အခါတွင် သူတို့၏လက်ရှိပုံသဏ္ဌာန်ကို ကျဆင်းစေခြင်း၊ ကုမ္ပဏီနှင့်ပတ်သက်သည့် မှားယွင်းသောအများပြည်သူဆိုင်ရာ ခံယူချက်များကို ဖန်တီးပေးခြင်း သို့မဟုတ် သူတို့၏မဟာဗျူဟာအစီအစဉ်နှင့် လိုက်လျောညီထွေမဖြစ်သော ဖောက်သည်အခြေခံကို ဆွဲဆောင်ခြင်းစသည့် အန္တရာယ်ကို ဖြစ်စေနိုင်ပါတယ်။ ထုတ်ကုန်များ လူကြိုက်နည်းလာသည်နှင့်အမျှ ကုမ္ပဏီများဟာ သူတို့ဝင်ရောက်လာသော စျေးကွက်များတွင် စားသုံးသူများနှင့် ထပ်တူထပ်မျှ မရှိနိုင်တော့ပါက ထုတ်ကုန်ကို လျှော့စျေးဖြင့် ရောင်းချခြင်းဖြင့် ကုန်ပစ္စည်းများကို ဖျက်သိမ်းရန် ဖိအားပေးခံရနိုင်ချေရှိပါတယ်။
ကုမ္ပဏီများသည် မှန်ကန်သောဖောက်သည်များကို ဆွဲဆောင်ရန်၊ ကြိုးပမ်းရန် စျေးကွက်ခွဲဝေမှုကို မကြာခဏလုပ်ဆောင်သော်လည်း၊ စျေးကွက်ထိုးဖောက်ဝင်ရောက်မှု့သည် မှားယွင်းသောဖောက်သည်များကို ဝန်ဆောင်မှုပေးသည့်အန္တရာယ်ကို တိုးမြင့်စေနိုင်ပါတယ်။ဒါဟာ ကုန်ပစ္စည်းအချို့၏ အရည်အသွေးအတွက် အချို့သောစျေးနှုန်းများကို ပေးဆောင်လိုသောဖောက်သည်တစ်ဦးအား ဖြည့်ဆည်းပေးမည့် စျေးကွက်ရှာဖွေရေးအစီအစဉ်ကို ထိခိုက်နိုင်ပါတယ်။ Apple သည် စျေးကွက်အတွင်း အနိမ့်ဆုံးစျေးနှုန်းများကို ပေးဆောင်လိုသော စားသုံးသူများကို မတော်တဆ ဆွဲဆောင်မိပါက ထိုဖောက်သည်များကို ထိန်းသိမ်းရန် သို့မဟုတ် သူ၏ စျေးကွက်ရှာဖွေရေး အစီအစဉ်ကို ပြောင်းလဲရာတွင် အကျပ်ရိုက်စေမည်ဖြစ်ပါတယ်။
စျေးကွက်ထိုးဖောက်ဝင်ရောက်မှုသည် ပိုမိုနက်ရှိုင်းသော စျေးကွက်တည်ရှိမှုကို စုဆောင်းခြင်း၏ တစ်ခုတည်းသောဥပမာတစ်ခုကဲ့သို့ပင် ဖြစ်ကောင်းဖြစ်နိုင်သော်လည်း၊ အမှန်တကယ်တွင် လူတိုင်းတစ်မျက်နှာတည်းရှိရန် လိုအပ်သည့် ကုမ္ပဏီတစ်ခုလုံးအတွက် မဟာဗျူဟာတစ်ခုဖြစ်ပါသည်။ ထုတ်လုပ်မှု၊ သိုလှောင်ရုံ၊ ဝယ်ယူရေး သို့မဟုတ် ရောင်းချသည့်ဌာနများသည် မည်သို့မျှ ညီညွတ်မည်မဟုတ်ကြောင်း သုံးသပ်ကြည့်ပါက မလိုလားအပ်သော မမြင်နိုင်သော ဖိအားများ ပေါ်ထွက်လာနိုင်ပြီး ဈေးကွက်ထိုးဖောက်မှု့အတွက် အခက်အခဲကြီးစွာဖြစ်စေတာမျိုးလည်း ရှိစေပါတယ်။
စျေးကွက်ထိုးဖောက်ခြင်း
(အားသာချက်များ)
အရောင်းမြှင့်တင်ခြင်းဖြင့် ငွေကြေးအောင်မြင်မှုကို ဖြစ်ပေါ်စေတတ်သည်။
ဖောက်သည်အရေအတွက် များသောအားဖြင့် ငွေရေးကြေးရေး အောင်မြင်မှုကို မကြာခဏ ဖြစ်ပေါ်စေသည်။
ကုမ္ပဏီတစ်ခု၏ ကုန်ပစ္စည်းများနှင့် စားသုံးသူများ ပိုမိုထိတွေ့လာသောကြောင့် ထုတ်ကုန်၏ မြင်နိုင်စွမ်းကို ပိုမိုကောင်းမွန်စေသည်။
ကုန်ပစ္စည်းများကို စျေးကွက်မှ သင့်လျော်စွာ လက်ခံရရှိပါက ကုမ္ပဏီ၏ အမှတ်တံဆိပ် ရှယ်ယာတန်ဖိုးကို မြှင့်တင်လာမယ်။
(အားနည်းချက်များ)
ထုတ်ကုန်တစ်ခုသည် အခြားတစ်ခုနှင့် မည်သို့ဆက်စပ်နေသည်နှင့်ပတ်သက်၍ ရှုပ်ထွေးမှုများ ဖြစ်ပေါ်စေနိုင်သည်။
မှားယွင်းသော စားသုံးသူကို ဆွဲဆောင်မိပါက ကုမ္ပဏီတစ်ခုလုံး၏ ပုံရိပ်ကို ထိခိုက်စေနိုင်ပါသည်။
မတူညီသောပရိသတ်ကို ဆွဲဆောင်ပါက စျေးကွက်ရှာဖွေရေးဗျူဟာကို အပြောင်းအလဲဖြစ်စေနိုင်ပါသည်။
ဌာနအားလုံး ညီညွတ်ရန် လိုအပ်ပါသည်။ မဟုတ်ပါက၊ မတန်တဆဖိအားပေးမှုများသည် ဌာနဆိုင်ရာအချို့ကို အဆမတန် ရုန်းကန်ရစေမည်ဖြစ်ပါတယ်။
#Dr_Yin
#Business_Consultant
#Market_Penetration