အရောင်းတိုင်းတာရေးစနစ် ဆိုတာ အရောင်းကိုယ်စားလှယ်တစ်ဦးချင်း၊ အရောင်းအဖွဲ့တွေ သို့မဟုတ် ကုမ္ပဏီတစ်ခုလုံးကို၏ စွမ်းဆောင်ရည်ကို ကိုယ်စားပြုသည့် ဒေတာအချက်အလက်တစ်ခုဖြစ်ပါတယ်။ အရောင်းအဖွဲ့တွေဟာ အဓိကစွမ်းဆောင်ရည်ညွှန်းကိန်းများ (KPIs) ဟုလည်းသိကြသည့် တိုင်းတာရေးစနစ်များကို အသုံးပြုကာ သူတို့၏ပန်းတိုင်များဆီသို့ ရောက်ရန်အတွက် အပိုဆုကြေးများ ပေးသင့်သည် သို့မဟုတ် မက်လုံးများ ပေးသင့်သည်ဖြစ်စေ၊ အားနည်းသည့်အချက်များကို ဖော်ထုတ်နိုင်ရန် သူတို့လုပ်ဆောင်နေသည့်တိုးတက်မှုကို တိုင်းတာရန် မက်ထရစ်များကို အသုံးပြုကြလေ့ရှိပါတယ်။ အဓိက စွမ်းဆောင်ရည် အညွှန်းတွေဟာ ကုမ္ပဏီများကို စျေးကွက်ပြောင်းလဲမှုများ၏ သက်ရောက်မှုများအတွက် ထိန်းကျောင်းနိုင်ပါတယ် သို့မဟုတ် အနာဂတ်တွင် တိုးတက်မှုအတွက် အစီအစဉ်များချမှတ်ရာတွင်လည်း ကူညီပေးနိုင်ပါတယ်။ တိုင်းတာရေးစနစ်မှာ ဘယ်နည်းလမ်းတွေ အသုံးပြုကြသလည်းဆိုရင် Total Revenue Average Revenue Per Account/ Product/ Customer Market Penetration Percentage of Revenue from New vs. Existing Customers Win Rate Year-Over-Year Growth Lifetime Value (LTV) of a Customer Net Promoter Score (NPS) Quota Attainment Pipeline Coverage Sales Expense Ratio နည်းလမ်း (၁၁) နည်းနဲ့ တိုင်းတာကြလေ့ရှိကြပြီး၊ ဒီထက် ပိုတာလည်းရှိနိုင်ပါတယ်၊ ဒါကတော့ ကျွန်တော်သိသလောက် ပြောတာပါ။ Metrics မပိုင်ရင် Development မကိုင်နဲ့လို့ ကျွန်တော်တို့ဆရာတွေက မှာကြားခဲ့တဲ့အတွက် ကိုယ်တိုင်လည်း လေ့လာဖတ်မှတ်ရတုန်းပါ။

စျေးကွက်ရှာဖွေရေး တိုင်းတာမှု့များဆိုတာ အချိန်နှင့်အမျှ တိုးတက်မှုကို စောင့်ကြည့်ရန်၊ မှတ်တမ်းတင်ရန်နှင့် တိုင်းတာရန်အတွက် စျေးကွက်ရှာဖွေသူများ အသုံးပြုသည့်အရာ (tools) တွေကို ခေါ်ဆိုတာဖြစ်တယ်။ ဒီတိုင်းတာမှု့ပုံစံတွေဟာ မတူကွဲပြားတဲ့ ပုံစံမျိုးစုံရှိပြီး ပေါင်းစပ်အသုံးပြုတာမျိုးလည်းရှိကြပါတယ်။ မားကတ်တင်းသမားအများစုဟာ သူတို့ရဲ့ပန်းတိုင်များကို သေချာအလေးအနက်ထားပြီး သူတို့ရဲ့လုပ်ဆောင်မှု့တိုင်း၏အောင်မြင်မှုနှင့် ကျရှုံးမှုများကို ခြေရာခံနိုင်မည့် တိုင်းတာရေးစနစ်များကို သေချာစွာရွေးချယ်ချမှတ်ဖို့လိုပါတယ်။ Marketers တွေအနေဖြင့် ခြေရာခံနိုင်သည့် တကယ်အလုပ်ဖြစ်မည့် အတိုင်းအတာများစွာရှိသော်လည်း၊ ကမ်ပိန်းတစ်ခုစီအတွက် အမှန်တကယ်အရေးကြီးသောအရာကို သေချာအလေးထားရန် လိုအပ်ပါသေးတယ်။ 

စျေးကွက်ရှာဖွေရေး တိုင်းတာမှုများသည် အဘယ်ကြောင့် အရေးကြီးသနည်း။ MIT နှင့် ပူးပေါင်းလုပ်ဆောင်သော Google လေ့လာမှုတစ်ခုအရဆိုရင် ထိပ်တန်းစျေးကွက်ရှာဖွေသူများ၏ 89% သည် သူတို့၏ကမ်ပိန်းများရဲ့ ထိရောက်မှုကို တိုင်းတာရန်အတွက် စုစုပေါင်း၀င်ငွေ၊ စျေးကွက်ဝေစု သို့မဟုတ် CLV ကဲ့သို့သော မဟာဗျူဟာမြောက် မက်ထရစ်များကို အသုံးပြုကြလေ့ရှိပါတယ်။ ဒါ့အပြင်အခြားသော မက်ထရစ်များကို အသုံးပြုခြင်းရဲ့ အချို့အကျိုးကျေးဇူးတွေကတော့- ဆုံးဖြတ်ချက်ချရာတွင် အထောက်အကူဖြစ်စေရန် အချက်အလက်ရှိစေခြင်း။ မည်သည့်ချန်နယ်(လမ်းကြောင်း)များက ROI အမြင့်ဆုံးကိုပေးနိုင်သည်ကို သိရှိခြင်း။ စျေးကွက်ရှာဖွေရေးအသုံးစရိတ်နှင့် အလုံးစုံဘတ်ဂျက်ခွဲဝေမှုကို မျှတမှု့ရှိစေခြင်း။ အသင်းအဖွဲ့ရဲ့ ရလဒ်များ တိုးလာစေခြင်း။ ဦးတည်ချက်ပြောင်းလဲမှု့များကို မည်သည့်နေရာတွင် မည်ကဲ့သို့ မြှင့်တင်ရမည်ကို လေ့လာနိုင်ခြင်း။ စျေးကွက်ရှာဖွေသူများ၏ 77% သည် သူတိုရဲ့ ကမ်ပိန်း၏ ပထမလအတွင်း ROI ကို တိုင်းတာပြီး (Sales Cycle) အရောင်းသံသရာထက် အချိန်တိုအတွင်း ROI ကို သက်သေပြရန် ကြိုးစားနေကြတာမျိုးရှိကြတယ်။ ထိုစျေးကွက်ရှာဖွေသူများ၏ 55% ဟာ သူတို့အနေဖြင့် သုံးလ သို့မဟုတ် ထိုထက်ပိုသော (Sales Cycle) အရောင်းသံသရာရှိကြောင်း နားလည်သဘောပေါက်ကြပါတယ်။ စျေးကွက်ရှာဖွေသူများ၏ 4% ကသာ ခြောက်လတာကာလအတွင်း သို့မဟုတ် ထိုထက်ပို၍ ROI ကိုပင်တိုင်းတာသည့် အခြေအနေမျိုးရှိကြပါတယ်။ ဆိုလိုတာကတော့ ထုတ်ကုန်အမျိုးအစား၊ လုပ်ငန်းစဉ်အမျိုးအစား၊ သတ်မှတ်တိုင်းတာမှု့ စံချိန်အပေါ် မူတည်ပြီး ဒီအရောင်းသံသရာကို နားလည်သဘောပေါက်ဖို့ လိုအပ်ပါတယ်။ အင်တာနက် မားကတ်တင်း တိုင်းတာမှုများဟာ သမားရိုးကျတိုင်းတာမှု့ အရာများနှင့် ကွာခြားမှု့ရှိသလား? အင်တာနက် မားကတ်တင်း တိုင်းတာမှု အများစုကို အလိုအလျောက် ခြေရာခံနိုင်ပါတယ်။ သမရိုးကျတိုင်းတာမှု့များကတော့ သက်ရောက်မှုများကို ကြည့်ရှုရန်၊ စစ်ထုတ်ရန်အတွက် ကိုယ်တိုင်အမြဲမပါနိုင်သောကြောင့် ရှုပ်ထွေးသောရလဒ်များကို ထုတ်ပေးနိုင်ချေ ရှိကြောင်းသိထားရပါမယ်။ 

နောက်ထပ် ကြီးမားသော ကွာခြားချက်- အမျိုးမျိုးကတော့ ဆိုရှယ်မီဒီယာအက်ပ်များ၊ အကြောင်းအရာစျေးကွက်ရှာဖွေရေးအမျိုးအစားများနှင့် virtual ad space များ တိုးပွားလာခြင်းကြောင့် သမားရိုးကျများထက် ဒစ်ဂျစ်တယ်စျေးကွက်ရှာဖွေရေးလမ်းကြောင်းများဟာ အဆပေါင်းများစွာ ပိုမိုများပြားလာပါတယ်။ နှစ်ခုလုံးက အရေးကြီးသလို၊ မိမိလုပ်ဆောင်မှု့ရဲ့တိုးတက်မှုကို ခြေရာခံခြင်းမရှိဘဲ မားကက်တင်းကမ်ပိန်းတွေကို ဘယ်တော့မှ မလုပ်သင့်ပါဘူးလို့အကြံပြုပါရစေ။ မိမိရဲ့အဓိက စျေးကွက်ရှာဖွေရေး တိုင်းတာချက်များကို ဘယ်လိုသတ်မှတ်မှာလည်း?။ လုပ်ငန်းစဉ်အတွက် ခြေရာခံရန် လိုအပ်သည့်အရာနှင့် မိမိရှာဖွေချင်နေသည့်အရာများကို ပြောပြပေးနိုင်မည့် စာရင်းများစွာဟာ တကယ်တော့ရှိပြီးသားဖြစ်ပါတယ်။ အမှန်ကတော့ ဦးစားပေး စျေးကွက်ရှာဖွေရေး တိုင်းတာရေးစနစ်များဟာ လုပ်ငန်းနှင့် ပရောဂျက်ကိုကိုင်တွယ်သော မန်နေဂျာတိုင်းအတွက် သီးသန့်သတ်မှတ်ပြီးလုပ်ဆောင်ရတာမျိုးဖြစ်တယ်။ အဓိက အယူအဆ နှစ်ခု ဖြစ်တဲ့ ပန်းတိုင် နဲ့ အာရုံစူးစိုက်မှု ဆိုပြီး ကွဲထွက်နေနိုင်ပါသေးတယ်။ ဘယ်နေရာမှာ ဘာကအရေးကြီးပြီး ဘယ်လိုစနစ်တွေနဲ့တိုင်းတာမယ်ဆိုတာ ရွေးချယ် အသုံးပြုဖို့လိုပါတယ်။ (တွက်ချက်မည့်နည်းလမ်းများအပါအဝင်) အဓိက စျေးကွက်ရှာဖွေရေး တိုင်းတာမှု့ နမူနာတွေအနေနဲ့ဆိုရင် ဘာတွေရှိသလဲ? Cost per acquisition (CPA) Cost per lead (CPL) Customer lifetime value (CLV) Click-through rate (CTR) Bounce rate Goal completions Lead-to-customer conversion rate Multi-touch attribution Engaged time Quality of inbound links Social media engagement Unengaged subscribers Website conversion rate MQL to SQL ratio Internal metrics အထက်ဖော်ပြပါ အချက်တွေနဲ့ အဓိက တိုင်းတာကြလေ့ရှိပြီး အသေးစိတ်သိချင်ရင်တော့ ကိုယ့်ဟာကို လေ့လာကြပါ။ 

အရာရာတိုင်းကို ကိုယ်တိုင် တိုင်းတာနိုင်သော်လည်း မိမိတိုင်းတာသည့်အရာနှင့် အကြောင်းရင်းကို သေသေချာချာ နားလည်ရန် အရေးကြီးပါတယ်။ ကိုယ်တိုင်ဒေတာထည့်သွင်းခြင်းဖြင့် အချိန်ကုန်စေမည့်အလုပ်တွေကိုတော့ အလွန်အကျွံမလုပ်မိဖို့လိုပါတယ်။ စီးပွားရေးလုပ်ငန်းအများစုဟာ လမ်းညွှန်ချက်တွေ၊ လုပ်ငန်းစဉ်များနှင့် တိုင်းတာမှုများအပေါ် အလွန်အကျွံအာရုံစိုက်လာသောအခါမှာ ဝန်ထမ်းတွေအနေဖြင့် သူတို့ရဲ့ အကောင်းဆုံးအလုပ်တွေကို မလုပ်နိုင်အောင် တားဆီးမှု့ပြုစေတာကို သတိချပ်ဖို့လည်းလိုအပ်ပါတယ်။

လုပ်ငန်းအမျိုးအစားနှင့် လုပ်ငန်းရဲ့ရည်ရွယ်ချက်ပန်းတိုင် ကွဲပြားမှုအပေါ်မှာ မတူညီသောသတ်မှတ်ချက်နှင့် ဦးစားပေးအဆင့်သတ်မှတ်ပုံတွေဟာ ကွာခြားနိုင်ပါတယ်။ အချို့သော လုပ်ငန်းတွေကတော့ အခြခံအချက် (၄) ချက်အပေါ်မှာ လုပ်ဆောင်ကြတာများပါတယ်။ အရောင်းဖွံ့ဖြိုးတိုးတက်ရေးအစီအစဉ် ပြုလုပ်တော့မည်ဆိုလျှင် 

(၁) ပစ်မှတ်ဖောက်သည်များကို စီမံခန့်ခွဲမှု့ပြုရပါမယ်။ မိမိကုမ္ပဏီနှင့် ဆက်ဆံနေသော ဖောက်သည်အားလုံးကို အဆင့်လိုက်ခွဲခြားသတ်မှတ်ရပါမယ်။ စျေးကွက်အရွယ်အစား၊ အခန်းကဏ္ဍ၊ တည်နေရာ၊ ဖောက်သည်၏အပြုအမူစသည့် အမျိုးမျိုးသော အညွှန်းကိန်းများဖြင့် သုံးစွဲသူ၏အလားအလာများကို အကဲဖြတ်ရပါမယ်။ • စီးပွားရေးအရ အကျိုးများစွာပေးဆောင်နေသော အကြီးဆုံးဖောက်သည်များကိုလည်း ခွဲခြားသတ်မှတ်ရပါမယ်။ • ပစ်မှတ်ဖောက်သည်များကို ခွဲခြားသတ်မှတ်ပါ (မိမိကုမ္ပဏီအတွက် အကြီးမားဆုံးသော အရောင်းအ၀ယ်ပြုလုပ်နိုင်သည့် ဝယ်ယူသူများကိုဆိုလိုခြင်းဖြစ်ပါတယ်။) • အကြီးမားဆုံးဖောက်သည်တွေဟာ ပစ်မှတ်ဖောက်သည်များ ဖြစ်နိုင်ကြောင်း သေချာစွာစစ်ဆေးရပါမယ်။ • မိမိရဲ့ထုတ်ကုန်၊ ဝန်ဆောင်မှုများ၏အင်္ဂါရပ်များနှင့် အကျိုးကျေးဇူးများသည် ပစ်မှတ်ဖောက်သည်များကို ဆွဲဆောင်နိုင်သည်ကို သေချာနားလည်သဘောပေါက်ထားရမှာဖြစ်ပါတယ်။ • ဆွဲဆောင်မှုအရှိနိုင်ဆုံးသောအင်္ဂါရပ်များနှင့် အကျိုးခံစားခွင့်များပေါ်တွင် မိမိ၏အရောင်းလှုပ်ရှားမှု့များကို အထူးအာရုံစိုက်ရပါမယ်။ • အလားအလာရှိသော ဖောက်သည်များနှင့် ဆက်သွယ်ရန် နည်းလမ်းများကို သတ်မှတ်ပေးသည့် ပြတ်သားတိကျသေချာသော ဆက်သွယ်မှုဗျူဟာ တစ်ခုမဖြစ်မနေရှိရပါမယ်။ • မိတ်ဆက်ပွဲများ၊ သရုပ်ပြမှုများ၊ အစည်းအဝေးများ၊ ညီလာခံများ၊ နောက်ဆက်တွဲခေါ်ဆိုမှုများ အပါအဝင် ပရိုမိုးရှင်းပွဲများ စသည့်အစီအစဉ်များကိုလည်း ရေးဆွဲထားဖို့လိုပါတယ်။ • မိမိ၏လက်ရှိရောင်းချမှုအစီအစဉ်များကို ပြန်လည်သုံးသပ်ပြီး ပစ်မှတ်ဖောက်သည်များနှင့်အတူ ရောင်းအားမည်မျှထိတိုးတက်လာနိုင်သည်ကိုလည်းအကဲဖြတ်စီစစ်ရပါမယ်။ • အနီးဆုံးသောအနာဂတ်မှာ မိမိရောက်ရှိလိုသော အရောင်းပိုင်းဆိုင်ရာ မျှော်လင့်ချက်များစာရင်း သေချာပြုစုမှတ်သားထားဖို့လိုပါတယ်။ • မိမိရဲ့ အရောင်းအစီအစဉ်တွင် မည်သည့်တိုးတက်မှုများဟာ ဘယ်လိုအသုံးပြု၊အသုံးချနိုင်မည်ကို သေချာစွာစဉ်းစားထားရပါမယ်။ • အရောင်းပိုင်းဆိုင်ရာ မျှော်မှန်းချက်များနှင့် အစီအစဉ်များကို ရှင်းပြရန်အတွက် အရောင်းဝန်ထမ်းများနှင့်လည်း တွေ့ဆုံ ဆွေးနွေးမှုများ ပြုလုပ်ဖို့လိုအပ်ပါတယ်။ • တွေ့ဆုံဆွေးနွေးခြင်းမှတဆင့် အရောင်းပစ်မှတ်များဆီသို့ ဝန်ထမ်းများ၏ လုပ်ဆောင်နိုင်မှု့စွမ်းရည် ကတိကဝတ်များကိုလည်း တိုးမြှင့်ဖော်ဆောင်ရန်လိုအပ်ပါတယ်။ 

(၂) အဓိက ထိပ်တန်း လုပ်ဆောင်နိုင်သူများကို အာရုံစိုက်ရန်။ • အရောင်းဝန်ထမ်းများ၏ လုပ်ဆောင်ချက်များနှင့် စွမ်းဆောင်ရည်ကို စောင့်ကြည့်ရပါမယ်။ • အမြင့်ဆုံး စွမ်းဆောင်ရည်အဆင့်တွင် သူတို့၏အလုပ်များကို ကောင်းမွန်ပြီးမြောက်စွာ လုပ်ဆောင်သည့် အကောင်းဆုံးဝန်ထမ်းများကိုလည်းသေချာ ခွဲခြားသတ်မှတ်ထားရပါမယ်။ • အခြားသူများထံသို့ လွှဲပြောင်းနိုင်သည့်(ကူးစက်စေမည့်) သူတို့၏အပြုအမူများကောင်းများကိုလည်း မှတ်တမ်းတင်ထားရပါမယ်။ • စွမ်းဆောင်ရည်မြှင့်တင်မှုအစီအစဥ်တစ်ခု ပြုလုပ်နိုင်ရန်အတွက် ထိပ်တန်းစွမ်းဆောင်ရည်ရှိသော အပြုအမူကောင်းများနှင့် ကုမ္ပဏီ၏အကောင်းဆုံးသော အလေ့အကျင့်များကို ပေါင်းစပ်ပုံဖော်ရပါမယ်။ • အရောင်းဝန်ထမ်းများအား အရောင်းနောက်ဆက်တွဲ (After Sales Service) နှင့် အကောင်အထည်ဖော်ခြင်း (Implementation) ၏ အကောင်းဆုံးဝန်ဆောင်မှု အလေ့အကျင့်များတွင် ကျွမ်းကျင်စွာလုပ်ဆောင်နိုင်ရန်အတွက် ဖြည့်စွက်သွန်သင်မျှဝေပေးရန် ရည်ရွယ်သော ဝန်ထမ်းလေ့ကျင့်ရေးအစီအစဉ်ကောင်းများကိုလည်း ဒီဇိုင်းရေးဆွဲပုံဖော်ထားဖို့လိုအပ်ပါတယ်။ • ကုမ္ပဏီတွင် လေ့ကျင့်ရေးမှူးတာဝန်ကို မည်သူများမှထမ်းဆောင်နိုင်မည်ကို သေချာစဉ်းစားပြီးအစီအစဉ်ရေးဆွဲထားရပါမယ်။ • ပြင်ပသင်တန်းဆရာများ ငှားရမ်းအသုံးပြုရန်အတွက်လည်း ကြိုတင်ပြင်ဆင်စဉ်းစားထားရပါမယ်။ • အရောင်းစီမံခန့်ခွဲမှုလုပ်ငန်းစဉ်ကို ပြန်လည်သုံးသပ်ပြီး ခေတ်နှင့်အညီ (update) ဖြစ်အောင်လုပ်ဆောင်နိုင်ရပါမယ်။ • အရောင်းဝန်ထမ်းများဟာ စိတ်အားထက်သန်ပြီး (Enthusiasm) အလုပ်ကို စိတ်နှစ်စွာ (Dedicated) လုပ်ဆောင်စေနိုင်မည့် ဆုကြေးပေးသည့် အစီအစဉ်များရှိကြောင်းကိုလည်းသေချာစေရန် လိုအပ်ပါတယ်။ • မိမိကိုယ်ကို ကန့်သတ်ထားသော ယုံကြည်ချက်အစိတ်အပိုင်းများနှင့် လျှို့ဝှက်ထားသော အားနည်းချက်များကို ဖယ်ရှားရှင်းထုတ်ဖို့လည်း လိုအပ်ပါတယ်။ • မိမိအဖွဲ့အစည်း၏အဆင့်တိုင်းတွင် အရောင်းဝန်ထမ်းများ၏ အရောင်းအ၀ယ်လုပ်ဆောင်မှုအပေါ် တာဝန်ယူမှု့ဖြင့် ကတိကဝတ်အပြည့်ရှိဖို့လိုပါတယ်။ • အရောင်းမြှင့်တင်မှုပုံစံကို ဒီဇိုင်းရေးဆွဲရန်လည်းလိုအပ်ပါတယ်။ 

(၃) အရောင်းဖွံ့ဖြိုးမှုပုံစံကို အကောင်အထည်ဖော်ဆောင်ရန်။ • စျေးကွက်၏လိုအပ်ချက်များကို ကောင်းစွာနားလည်သဘောပေါက်ရပါမယ်။ • ပစ်မှတ်ဖောက်သည်များကို ခွဲခြားသတ်မှတ်နိုင်ရပါမယ်။ • အလားအလာရှိသော ဖောက်သည်များစာရင်းကိုလည်း သေချာစွာပြုလုပ်ရပါမယ်။ • ကဏ္ဍအလိုက် ဆက်သွယ်မှု့များကို စီစဉ်လုပ်ဆောင်နိုင်ရပါမယ်။ • အလားအလာရှိသူများနှင့် ကနဦးအဆက်အသွယ်ပြုလုပ်ခြင်းကို ကောင်းစွာထူထောင်နိုင်ရပါမယ်။ • အရောင်းမိတ်ဆက်ပွဲများပြုလုပ်ပါ၊အရောင်းအဆိုပြုချက်ရရန် ပြင်ဆင်ပါ။ • သဘောတူညီချက်များကို ညှိနှိုင်းလိုက်နာပြီး အတည်ပြုချက်ရယူနိုင်ရပါမယ်။ 

(၄) ရင်းနှီးမြုပ်နှံမှုအပေါ် ပြန်လည်ရရှိလာမှုကို တိုင်းတာရန်။ • နေ့စဉ်နေ့တိုင်း မိမိရဲ့အရောင်းမြှင့်တင်မှုပုံစံ၏ အခြေအနေကို စောင့်ကြည့်ပြီး ခွဲခြမ်းစိတ်ဖြာနေဖို့လိုအပ်ပါတယ်။ • အထူးပြု KPI များကိုလည်း အသုံးပြုပါနိုင်ပါတယ်။ (ဥပမာ “အရောင်းမြှင့်တင်ခြင်း”, “ဆွဲဆောင်ထားသော ဖောက်သည်အသစ်များ”, “အမြတ်ငွေ” စသည်ဖြင့်) ကို အသုံးပြု၍ အရောင်းလှုပ်ရှားမှု၏ ထိရောက်မှုနှင့် စွမ်းဆောင်ရည်ကို ဆုံးဖြတ်ရန်အတွက် • အရောင်းဆိုင်ရာပြဿနာများကို စောစီးစွာခြေရာခံနိုင်ရန် မိမိဝန်ထမ်းများထံမှ အစီရင်ခံစာများရယူပါ။ • အရောင်းလှုပ်ရှားမှု့ ၏ ROI ကိုသေချာ လေ့လာတွက်ချက်ရပါမယ်။

Planning (စီမံချက်)
စီမံချက်သည်အဖွဲ့အစည်းတစ်ခု၏ အရေးကြီးသောကဏတစ်ခုဖြစ်သည်။ စီမံကိန်းသည်အချိန်၊ ငွေနှင့်လုပ်အားကဲ့သို့သော ရရှိနိုင်သည့်အရင်းအမြစ်များအား အကန့်အသတ်အတွင်း လုပ်ငန်းအစီအစဉ်များကို သတ်မှတ်လမ်းညွှန်ချက်များနှင့် အညီလုပ်ဆောင်နိုင်စွမ်းရှိရပါမည်။ ၎င်းသည်လုပ်ဆောင်ချက်များ အစုတစ်ခု သို့မဟုတ် ရရှိနိုင်သည့်အရင်းအမြစ်များနှင့်အတူ အချို့သောရည်မှန်းချက်များ သို့မဟုတ် ရည်ရွယ်ချက်များကို အောင်မြင်စေရန်နှင့် အောင်မြင်ရန်နည်းဗျူဟာတစ်ခု သို့မဟုတ် တစ်ခုထက်ပိုသောအစီအစဉ်များ ရေးဆွဲခြင်းလုပ်ငန်းစဉ်ဖြစ်သည်။ စီမံကိန်းရေးဆွဲခြင်းလုပ်ငန်းစဉ်တွင် ရရှိနိုင်သောရည်မှန်းချက်များကို ဖော်ထုတ်သတ်မှတ်ခြင်း၊ လိုအပ်သောမဟာဗျူဟာများ ချမှတ်ခြင်းနှင့်သတ်မှတ်ထားသည့်ရည်မှန်းချက်များအား အောင်မြင်စေရန် မည်သို့လုပ်ဆောင်ရမည်နှင့် လုပ်ငန်းစဉ်များနှင့်အစီအစဉ်များကို ဖော်ပြထားရပါမည်။ အစီအစဉ်ကောင်းမရှိပါက အနည်းငယ်သာအောင်မြင်နိုင်ပါသည်။

Communication (ဆက်သွယ်ရေး)
ကောင်းမွန်သောဆက်သွယ်ရေးစွမ်းရည်ရှိခြင်းသည် မန်နေဂျာအတွက်အလွန်အရေးကြီးလှပါသည်။ အဖွဲ့တစ်ဖွဲ့လုံးတွင် သတင်းအချက်အလက် မည်မျှကောင်းမွန်စွာမျှဝေနိုင်သည်ကို အဖွဲ့အစည်းသည်စုစည်းညီညွတ်သော လုပ်သားအင်အားအဖြစ် ဆောင်ရွက်ရန်ဆုံးဖြတ်နိုင်စွမ်းရှိပါသည်။ မန်နေဂျာတစ်ဦးသည်သူ့အနေဖြင့် ကျန်အဖွဲ့များနှင့်ကောင်းမွန်စွာမည်မျှ ထိတွေ့ဆက်ဆံသည်ကိုလည်း အသေးစိတ်ဖော်ပြထားသော လုပ်ထုံးလုပ်နည်းများကို လိုက်နာနိုင်ကြောင်း၊ လုပ်ငန်းတာဝန်များနှင့် လုပ်ဆောင်မှုများမည်မျှပြီးမြောက်နိုင်ကြောင်းနှင့် အဖွဲ့အစည်းတစ်ခုမည်မျှအောင်မြင်မည်ကို ဆုံးဖြတ်နိုင်ပါသည်။ နှုတ်ဖြင့်သော်လည်းကောင်း၊ စာဖြင့်သော်လည်းကောင်း၊ ဒေါင်လိုက်ဖြစ်စေ၊ အလျားလိုက်ဖြစ်စေ အဖွဲ့အစည်းအတွင်း သတင်းအချက်အလက်စီးဆင်းမှုကို အလွယ်တကူဖြစ်စေသည်။ ဆက်သွယ်ရေးသည်အဖွဲ့အစည်း၏ လုပ်ငန်းလည်ပတ်မှုကို အဆင်ပြေချောမွေ့စေသည်။ အဖွဲ့အစည်းအတွင်းရှိ ရှင်းရှင်းလင်းလင်း တည်ထောင်ထားသော ဆက်သွယ်ရေးလမ်းကြောင်းများသည် မန်နေဂျာများမှအဖွဲ့နှင့် ပူးပေါင်းလုပ်ဆောင်ရန်၊ ပိဌိက္ခများကိုတားဆီးရန်နှင့် သူတို့အမြင်အရ ပေါ်ပေါက်လာနိုင်ချေရှိသောကိစ္စရပ်များကို ဖြေရှင်းရန်ခွင့်ပြုထားရပါမည်။ ကောင်းမွန်သောဆက်သွယ်ရေးစွမ်းရည်ရှိသော မန်နေဂျာသည် ၀န်ထမ်းများနှင့်ကောင်းမွန်စွာ ဆက်စပ်နိုင်ပြီး ကုမ္ပဏီ၏သတ်မှတ်ထားသည့် ပန်းတိုင်များနှင့်ရည်ရွယ်ချက်များကို အလွယ်တကူရနိုင်ပါသည်။

Decision-making (ဆုံးဖြတ်ချက်ချခြင်း)
နောက်ထပ်အရေးကြီးသော စီမံခန့်ခွဲမှုစွမ်းရည်သည် ဆုံးဖြတ်ချက်ချခြင်းဖြစ်သည်။ မန်နေဂျာများသည် သိသိသာသာဖြစ်စေ ဆုံးဖြတ်ချက်များစွာကိုပြုလုပ်ကြပြီး ဆုံးဖြတ်ချက်ချခြင်းသည် မန်နေဂျာ၏အောင်မြင်မှုအတွက် အဓိကအစိတ်အပိုင်းဖြစ်သည်။ မှန်ကန်သောဆုံးဖြတ်ချက်များ ချမှတ်ခြင်းသည် အဖွဲ့၏ အောင်မြင်မှုကိုရရှိစေပြီး ညံ့ဖျင်းသော (သို့) မကောင်းသောဆုံးဖြတ်ချက်များသည် ပျက်ကွက်ခြင်း သို့မဟုတ် စွမ်းဆောင်ရည်နိမ့်ခြင်းများကို ဖြစ်စေနိုင်သည်။ အဖွဲ့အစည်းအနေဖြင့် ထိထိရောက်ရောက်နှင့် ချောချောမွေ့မွေ့လည်ပတ်နိုင်ရန်အတွက် ရှင်းလင်းပြီးမှန်ကန်သောဆုံးဖြတ်ချက်များကို ချမှတ်သင့်သည်။ မန်နေဂျာတစ်ဦးသည် ဆုံးဖြတ်ချက်တိုင်းအတွက် တာ၀န်ခံမှုရှိရမည်ဖြစ်ပြီး သူ၏ဆုံးဖြတ်ချက်များ၏ ရလဒ်များအတွက်လည်း တာ၀န်ယူရန်လည်း လိုလိုလားလားရှိရမည်။ မန်နေဂျာကောင်းတစ်ဦးသည် ဆုံးဖြတ်ချက်များချမှတ်ခြင်းဆိုင်ရာ ကျွမ်းကျင်မှုများစွာကို ပိုင်ဆိုင်ထားရန်လိုအပ်သည်။

Delegation (လွှဲအပ်ခြင်း)
လုပ်ပိုင်ခွင့်နှင့်တာဝန်လွှဲအပ်ခြင်းသည် အောင်မြင်နိုင်သည့် အခြားသော့ချက်ဖြစ်သော စီမံခန့်ခွဲမှုစွမ်းရည်ဖြစ်သည့် လိုအပ်ခြင်းသည်အလုပ်နှင့်သက်ဆိုင်သော အကြောင်းအရာများနှင့် သို့မဟုတ် အာဏာလုပ်ပိုင်ခွင့်များကို အခြား၀န်ထမ်းများ သို့မဟုတ် လက်အောက်ငယ်သားများထံ သို့ လက်ဆင့်ကမ်းပေးခြင်းဖြစ်သည်။ ၎င်းတွင်မိမိ၏အလုပ်များ (သို့) မိမိ၏၀န်ထမ်းများအား လက်ရှိအလုပ်ပမာဏပေါ်မူတည်၍ အခြား၀န်ထမ်းများအား ပြန်လည်ခန့်အပ်ခြင်း သို့မဟုတ် ပြန်လည်ခွဲဝေခြင်းလုပ်ငန်းစဉ်များပါ၀င်သည်။ ကောင်းမွန်သောကိုယ်စားလှယ်အဖွဲ့၏ အရည်အချင်းရှိသောမန်နေဂျာသည် လုပ်ငန်းတာဝန်များကို ထိရောက်စွာပြန်လည်သတ်မှတ်နိုင်ပြီး မှန်ကန်သောလုပ်ငန်းတာဝန်ဖြစ်စေရန်အတွက် ၀န်ထမ်းများအားအခွင့်အာဏာပေးအပ်ခြင်းဖြစ်သည်။ လွှဲအပ်ခြင်းကို ထိရောက်စွာဆောင်ရွက်နိုင်လျှင် မြန်ဆန်လွယ်ကူသောရလဒ်များကို လွယ်ကူစေသည်။ လွှဲအပ်ခြင်းသည် အချိန်ဖြုန်းခြင်းကို ရှောင်ရှားနိုင်ပြီး၊ ကုန်ထုတ်စွမ်းအားကို အကောင်းဆုံးဖြစ်စေရန်နှင့် ၀န်ထမ်းများ၏တာ၀န်ခံမှုနှင့် တာဝန်ယူမှုရှိစေရန် မန်နေဂျာမှကူညီပေးရမည်ဖြစ်သည်။ မန်နေဂျာတိုင်းသည် အကောင်းဆုံးရလဒ်ရရှိရန်နှင့် လိုအပ်သောကုန်ထုတ်စွမ်းအားရရှိရန် ကောင်းမွန်သော Delegation စွမ်းရည်ရှိရမည်။ Problem-solving (ပြဿနာဖြေရှင်းခြင်း) ပြဿနာဖြေရှင်းခြင်းသည် နောက်ထပ်မရှိမဖြစ်လိုအပ်သော စွမ်းရည်တစ်ခုဖြစ်သည်။ မန်နေဂျာကောင်းတစ်ယောက်သည် ပုံမှန်အလုပ်ခွင်တွင် ပေါ်ပေါက်လာနိုင်သော မကြာခဏပြဿနာများကို ကိုင်တွယ်ဖြေရှင်းနိုင်ရမည်။ စီမံခန့်ခွဲမှု၌ပြနာဖြေရှင်းခြင်းသည် ပြဿနာတစ်ခု သို့မဟုတ် အခြေအနေတစ်ခုကို ဖော်ထုတ်ပြီးပြဿနာကို ကိုင်တွယ်ဖြေရှင်းရန်နှင့် အကောင်းဆုံးဖြေရှင်းနည်းကို ရှာဖွေရန်ဖြစ်သည်။ ၎င်းသည် လက်ရှိအခြေအနေများမမှန်ကန်သည့်တိုင် ပြဿနာအမျိုးအစားကို ခွဲခြားနိုင်စွမ်းရှိရမည်ဖြစ်သည်။ မန်နေဂျာတွင် ကြီးမားသောပြဿနာဖြေရှင်းနိုင်သည့် စွမ်းရည်ရှိကြောင်းထင်ရှားသည့်အခါတွင် သူ့ကိုအခြားအဖွဲ့များနှင့်ကွဲပြားစေပြီး လက်အောက်ငယ်သားများမှ သူ၏စီမံခန့်ခွဲမှုစွမ်းရည်ကို ယုံကြည်စိတ်ချစေနိုင်သည်။

Motivating (လှုံ့ဆော်မှု)
လှုံ့ဆော်နိုင်စွမ်းသည် အဖွဲ့အစည်းတစ်ခု၏ နောက်ထပ်အရေးကြီးသောကျွမ်းကျင်မှုတစ်ခုဖြစ်သည်။ လှုံ့ဆော်မှုသည် ၀န်ထမ်းများ သို့မဟုတ် အချို့သော သက်ဆိုင်သူများထံမှ လိုချင်သောအပြုအမူများ သို့မဟုတ် တုံ့ပြန်မှုများကို ဖော်ထုတ်ပေးနိုင်ပါသည်။ မန်နေဂျာများသုံးနိုင်သည့် လှုံ့ဆော်မှုနည်းဗျူဟာမြောက်မြားစွာရှိပြီး မှန်ကန်သောရွေးချယ်မှုများသည် ကုမ္ပဏီနှင့်အဖွဲ့အစည်း၏ယဉ်ကျေးမှု၊ အဖွဲ့အစည်း၏စရိုက်နှင့်အခြားအရာများ စသည်တို့အပေါ်မူတည်နိုင်ပါသည်။ မန်နေဂျာကိုသုံးနိုင်သည့် အဓိကရည်ရွယ်ချက်နှစ်မျိုးရှိသည်။ ကိုယ်ပိုင်မူပုံစံဖြင့်လှုံဆောင်ခြင်းနှင့် ပြင်ပအပေါ်ယံ အခြေအနေပေါ်တွင် လှုံဆော်ခြင်းဖြစ်သည်။

Bottom Line (အဓိကအချက်)
စီမံခန့်ခွဲမှုစွမ်းရည်ဆိုသည်မှာ စီးပွားရေးစီမံမှု၊ ဆုံးဖြတ်ချက်ချခြင်း၊ ပြဿနာဖြေရှင်းခြင်း၊ ဆက်သွယ်ခြင်း၊ စီမံကိန်းရေးဆွဲခြင်း၊ လှုံဆော်ခြင်း၊ လွှံအပ်ခြင်းနှင့် အချိန်စီမံခန့်ခွဲမှု့တို၌ဖြစ်သည်။ ကွဲပြားခြားနားသောအခန်းကဏ္ဏများနှင့် အဖွဲ့အစည်းများသည် အမျိုးမျိုးသောကျွမ်းကျင်မှုများကို အသုံးပြုရန်လိုအပ်သော်လည်း စီမံခန့်ခွဲမှုစွမ်းရည်သည်ကျွမ်းကျင်မှုများကို ကျွမ်းကျင်ပိုမိုတိုးတက်စေရန်ဖြစ်သည်။ ထိပ်တန်းစီမံခန့်ခွဲမှုတွင် ဤကျွမ်းကျင်မှု့များသည် အဖွဲ့အစည်းတစ်ခုကို ကောင်းစွာလည်ပတ်နိုင်ရန်နှင့် လိုချင်သောစီးပွားရေးရည်မှန်းချက်များကို သတ်မှတ်အချိန်ကာလအတွင်း အောင်မြင်စေရန်မရှိမဖြစ်လိုအပ်ပါသည်။

(၁) လုပ်ငန်းကြီးလာတဲ့အထိ လူယုံပဲမွေးချင်တာ။
(၂) ပညာတတ်၊ ပညာရှင်ဆိုတာ ငွေပေးခိုင်းရင်ရတယ်လို့ တသတ်မတ်ထဲမှတ်ထားတာ။
(၃) တကယ်လိုအပ်တဲ့နေရာတွေမှာ ငွေမသုံးချင်တာ။
(၄) မလိုအပ်တဲ့နေရာတွေကျတော့ ဇာချဲ့ပြီးလုပ်ချင်တာ။
(၅) ကိုယ့်လုပ်ငန်းရဲ့ ဦးတည်ချက်အပေါ် နဝေတိမ်တောင်ဖြစ်နေတတ်တာ။
(၆) အရှေ့မှာအိုကေ၊ နောက်ကွယ်ကျ ငါသူဌေး ငါပြင်ရာပြင်မယ်လို့ လုပ်နေတာ။
(၇) centralized management ကိုပဲသဘောကျတာ၊ ဗဟိုချုပ်ချုပ်ကိုမှု့စနစ်ပေါ့။
(၈) အပေါ်ကအချက်ရဲ့အဆက် Micro management နဲ့ အလုပ်လုပ်ချင်တယ်။
(၉) အသေးစိတ်ကအစ ပါဝင်ပတ်သတ်ချင်တာ၊ သိချင်တာ၊ ဆုံးဖြတ်ချင်တာ၊ Delecation နားမလည်ဘူး။
(၁၀) ငွေအတွက်ပဲ အဓိကအလုပ်လုပ်တာ။
(၁၁) ဝန်ထမ်းတွေကိုမယုံသလို၊ စေတနာလည်းတကယ်မရှိနေတာ။
(၁၂) တဖက်နားနဲ့ နားထောင်တတ်တဲ့အကျင့်ဆိုး စွဲကပ်နေတတ်တာ
(၁၃) နောက်ကွယ်က မလိုလားအပ်တာတွေကို ထိန်းသိမ်းဖို့ ( Risk and Waste ) ထက် သူတို့မျက်မြင်တွေ့ရဲ့အပေါ်မှာ ကျစ်နိုင်သမျှကျစ်ဖို့ပဲလုပ်နေတာ။
(၁၄) ကိုယ်တကယ်လုပ်နိုင်စွမ်းထက် ပိုပြောတာ၊ ပိုကြွားတာ။
(၁၅) ဖြစ်ချင်စိတ်သာကြီးမားပြီး၊ ဘာထောက်ပံ့မှု့မှ မလုပ်ချင်တာ။
(၁၆) ကိုယ့် Role နဲ့ ကိုယ်မနေတတ်သလို၊ အခြားသူရဲ့ Role ကိုလည်း နားလည်မနေတတ်တာ။
(၁၇) ဖြစ်သင့်မဖြစ်သင့်ထက်၊ ဖြစ်ချင်တာကိုပဲ ဦးစားပေးလွန်းတာ။
(၁၈) လူအပေါ်မှီခိုပြီးအလုပ်လုပ်တယ်။ စနစ်အပေါ် မှာအလုပ်မလုပ်ချင်ဘူး (ငွေကုန်မှာကိုး)။
(၁၉) ရေရှည်အကျိုးအမြတ်ထက် ရေတို အမြတ်အပေါ်မှာပဲ အာရုံစိုက်တယ်။
(၂၀) စံသတ်မှတ်ချက် တန်ဖိုးတွေအပေါ် သောက်ဂရုမစိုက်တာ။
(၂၁) ကျင့်ဝတ်ထိန်းလို့လည်း ထမင်းမဝဘူးလို့ ထင်နေတတ်တာ။
(၂၂) အမှားတွေ ၁၀၀ မကလုပ်ရင်း အဲ့အမှားအတိုင်း အမှန်ထင်ပြီး လုပ်နေတတ်တာ (သူ့အရပ်သူဇာတ်)။
(၂၃) စာဖတ်အားနည်းတာ၊ လေ့လာသုံးသပ်မှု့အားနည်းတယ်။
(၂၄) 4W,1H ကိုမသိဘူး၊ သိလည်းစိတ်မဝင်စားဘူး။
(၂၅) အဲ့ဒီ မာစတာသာ ပြီးလို့ကတော့ အကုန်သိနေပြီထင်သွားတတ်တာ။
(၂၆) ကိုယ်တိုင် ပလန်ဆွဲပြီး ဖြစ်မြောက်အောင်မလုပ်တတ်ဘူး။
(၂၇) ပါးစပ်အပြောပဲများပြီး ကတိကဝတ် မတည်တတ်ကြဘူး (များသောအားဖြင့် ဝန်ထမ်းတွေအပေါ်)။
(၂၈) စာရင်းဇယား ပိုင်နိုင်မှု့ အားနည်းတယ်။
(၂၉) စျေးကွက်ဆိုတာ…. ငါဘယ်လောက်မြတ်မလဲပဲက လွဲရင် ကျန်တာ အပရိကလို့ပဲထင်နေတတ်တာ။
(၃၀) သူတို့ကိုယ်တိုင်က အကြောင်းပြချက်တွေပြောပြီး ဝန်ထမ်းတွေကပြောရင် လက်မခံတာ။
(၃၁) မိမိအတွေ့အကြုံသည်သာအမှန်၊ ကိုယ်သာအသိဆုံးလို့ မှတ်ယူတာ (အိုဗာကွန်ဖီးဒန့်ဖြစ်သွားတတ်တာ)။
(၃၂) Ownership and Management ကိုသဲကွဲစွာမသိနေဘူး။
(၃၃) ကွန်ဆော့တန့်တွေကို လုပ်သက်အရ ငါ့လောက် မသိပါဘူးကွာလို့ ထင်နေတာ (ကွန်ဆော့တန့်တွေမှာ အချဉ်တစ်ယောက်မှမရှိသလို၊ ချဉ်နေရင်လည်း ကွန်ဆော့တန့်မဟုတ်လို့ပါပဲ)